ZŠA ŭviali sankcyi suprać čatyroch kampanij za supracoŭnictva ź biełaruskimi pradpryjemstvami
Havorka idzie pra «vajskovyja ramontnyja pradpryjemstvy, vytvorcy pieradavych technałohij i arhanizacyi, jakija padtrymlivajuć biełaruska-rasijskija abaronnyja adnosiny», havorycca ŭ relizie Dziarždepartamienta ZŠA.
30.10.2024 / 22:33
Rahačoŭski zavod «Dyjaprajektar»
Sankcyi ŭviedzienyja ŭ dačynieńni da kitajskaj kampanii Morotack Tianjin Technology Co Ltd China, jakaja, jak śćviardžajecca, pradavała krytyčna važnyja kampanienty dla vajskovaj pradukcyi rahačoŭskamu zavodu «Dyjaprajektar», jaki zajmajecca aptyčnym pryborabudavańniem.
Za akazańnie materyjalnaj padtrymki hetamu samamu pradpryjemstvu sankcyi ŭviedzienyja taksama ŭ dačynieńni da rasijskich kampanij «Priecizionnyje łaziernyje sistiemy» i «Innovacionnoje priedprijatije «NCVO — Fotonika».
Taksama sankcyi ZŠA ŭviedzienyja suprać rasijskaha optyka-miechaničnaha kanstruktarskaha biuro «Astron». Pryčynaj nazvanyja pastaŭki detalaŭ dla ciepłavizijnych pryboraŭ biełaruskamu Minskamu miechaničnamu zavodu imia Vaviłava.
Rahačoŭski zavod «Dyjaprajektar» uklučany ŭ sankcyjny pieralik ZŠA 23 žniŭnia 2024 hoda, Minski miechaničny zavod imia Vaviłava — 5 śniežnia 2023-ha.
Rasija i Iran dziejničajuć u ZŠA suprać adzin adnaho. Pra heta śviedčać sakretnyja dakumienty
Turcyja zabłakavała pastaŭki amierykanskaj elektroniki rasijskamu VPK
Jak «kašalok» Łukašenki Zajcaŭ zarablaje na prodažy luksavaha adzieńnia