Знайшлося яшчэ адно слова, якое гавораць па-руску беларусы, але не ведаюць расіяне
Дзяўчына апублікавала ў тыктоку відэа, на якім падзялілася адкрыццём, заўважыў Telegraf.news. Аказваецца, ёсць яшчэ адно слова, акрамя шуфлядкі, байкі ці буські, якое кажуць усе беларусы, але расіяне пра яго не маюць паняцця.
30.10.2024 / 18:32
Скрыншот з відэа
«Тэрміновае ўключэнне. Я вось нядаўна даведалася, што расіяне не ведаюць яшчэ аднаго слова, якое гавораць беларусы. Гэта не шуфлядка і не байка. Гэтае слова — флікер», — заявіла аўтарка роліка.
«Я дагэтуль у шоку», — напісала адна з карыстальніц у каментары, і рэзонна спыталася: «А як яны называюць флікер?»
Хтосьці адказаў, што «светоотражатель».
Флікеры. Здымак ілюстрацыйны
«Упершыню чую (з Піцера), а што гэта?» — пацікавілася расіянка.
«У мяне сяброўка ў дзяцінстве прыязджала да бабулі на лета з РФ, на слове «флікер» запала ў ступар. А потым і на слове «шуфлядка». Калі я папрасіла яе дастаць скотч з камоды, слова «скотч» яна таксама не зразумела», — расказала яшчэ адна карыстальніца.
«Не толькі расіяне. Я прыехала ў Казахстан, і ўсе былі збянтэжаныя, што ж гэта такое», — падзялілася іншая.
«Мой украінскі муж таксама не зразумеў, што я маю на ўвазе. Прыйшлося тлумачыць і гугліць» — адзначыў яшчэ хтосьці.
«Каб снег роўна лёг». У Гомелі паказалі пакос восеньскай лістоты
У краме заўважылі беларускіх ракаў амаль за 90 рублёў. Чаму яны такія дарагія?
У Беларусі пачалі прадаваць корм «для сапраўдных квадробераў»