Vice-premjera Sierbii zvazili ŭ hości da siłavikoŭ
Namieśnik premjer-ministra Sierbii Alaksandr Vulin pryjechaŭ u Minsk dla ŭdziełu ŭ arhanizavanaj biełaruskimi ŭładami kanfierencyi pa jeŭrazijskaj biaśpiecy, jakaja projdzie 31 kastryčnika — 1 listapada. Pajezdku jon skarystaŭ i dla taho, kab paznajomicca z vopytam miascovych siłavikoŭ.
30.10.2024 / 18:20
Alaksandr Vulin (čaćviorty źleva) padčas naviedvańnia amapaŭskaha centra. Fota: pres-słužba MUS
Pres-słužba MUS paviedamlaje, što Alaksandr Vulin sustreŭsia ź ministram unutranych spraŭ Biełarusi Ivanam Kubrakovym. Sustreča prajšła ŭ vioscy Harani pad Minskam, dzie raźmieščany centr padrychtoŭki, pavyšeńnia kvalifikacyi i pierapadrychtoŭki milicejskich kadraŭ.
Sierbskamu hościu pakazali vystavu ŭzbrajeńnia i techniki, jakuju prymianiajuć Minski AMAP, unutranyja vojski i śpiecpadraździaleńnie «Ałmaz».
«Razam ź sierbskimi siabrami my hatovyja da praciahu partniorstva pa ŭsich napramkach słužbovaj dziejnaści», — padkreśliŭ Kubrakoŭ.
Jak paviedamlajecca, asablivuju cikavaść u sierbskich haściej vyklikali napracoŭki biełaruskaha MUS pa baraćbie z kibierzłačynstvami i niezakonnaj mihracyjaj.
Na kanfierencyju pa biaśpiecy ŭ Minsk pryjedzie ministr zamiežnych spraŭ Vienhryi
Łukašenka ŭpieršyniu źbirajecca naviedać MDŁU — adzin z samych pratesnych univiersitetaŭ u 2020-m
Kamandujučy SSA zajaviŭ, što vajskovy śpiecnaz hatovy da vybaraŭ
Valfovič raskazaŭ pra novuju ideju pryzyvu z zapasu