Zachvorvalnaść na suchoty bje rekordy za 20 hadoŭ
Kolkaść vypadkaŭ suchotaŭ dasiahnuła ciapier rekordnaha ŭzroŭniu, pakazaŭšy pryrost na 0,7 młn i dasiahnuŭšy 8,2 młn. Pavodle danych SAAZ, heta samy vysoki pakazčyk z 1995 hoda, kali pačaŭsia hłabalny manitorynh zachvorvańnia.
30.10.2024 / 18:06
Fota: freepik.com
U 2023 hodzie suchoty znoŭ stali hałoŭnaj infiekcyjnaj pryčynaj śmiarotnaści, abahnaŭšy COVID-19. Niahledziačy na pamianšeńnie kolkaści śmiarotnych vypadkaŭ z 1,32 młn u 2022 hodzie da 1,25 młn u 2023 hodzie, ahulnaja kolkaść chvorych vyrasła da 10,8 młn.
SAAZ źviazvaje kryzisnaje raspaŭsiudžańnie suchotaŭ z ustojlivaściu da lekaŭ i pamianšeńniem finansavańnia prafiłaktyki i lačeńnia. Letaś było vydzielena tolki 26% ad nieabchodnaj sumy finansavańnia.
Asnoŭnyja faktary ryzyki ŭklučajuć niedastatkovaje charčavańnie, VIČ, ałkahalizm, kureńnie i dyjabiet. Dla baraćby z hetymi faktarami patrabujecca skaardynavany ŭdzieł roznych siektaraŭ.
Suchoty — heta infiekcyjnaje zachvorvańnie, vyklikanaje mikabakteryjami z hrupy Mycobacterium tuberculosis. Jany zvyčajna ŭździejničajuć na lohkija i pieradajucca pavietrana-kropielnym šlacham. Ahulnyja simptomy ŭklučajuć kašal, bol u hrudziach, słabaść, stratu vahi, lichamanku i načny pot.
Napoj z tysiačahadovaj historyjaj. Jak i dzie na biełaruskaj ziamli lačyli kumysam?
Biełstat ustanaviŭ, dzie ŭ Biełarusi najčaściej chvarejuć i na što
Biełarusaŭ biaspłatna vakcynujuć ad jašče dźviuch chvarob