U Hrodnie fizruka ahrarnaha ŭniviersiteta sudziać za chabar
Hienadź Biesarab pracavaŭ staršym vykładčykam kafiedry fizičnaha vychavańnia i sportu Hrodzienskaha dziaržaŭnaha ahrarnaha ŭniviersiteta, piša Hrodna.life.
30.10.2024 / 18:40
Hienadź Biesarab. Fota z sacsietak
Sudziać 46-hadovaha fizruka pa artykule ab atrymańni chabaru. Spravu pačała razhladać Natalla Horbač u sudzie Leninskaha rajona Hrodna 30 kastryčnika.
Apošni raz pra Biesaraba na sajcie ŭniviersiteta ŭspaminali ŭ listapadzie 2023 hoda. U śpisie supracoŭnikaŭ fizruka i ŭ raskładzie zaniatkaŭ užo niama, jahonyja sacsietki nie abnaŭlajucca niekalki hadoŭ.
Biesarab rodam z Navahrudskaha rajona. Skončyŭ vučylišča alimpijskaha reziervu ŭ Hrodnie. U 1995 hodzie vykanaŭ narmatyŭ majstra sportu pa hreka-rymskaj baraćbie, vučyŭsia na fakultecie fizkultury i sportu HrDu imia Janki Kupały.
Hienadź byŭ pryzioram i pieramožcam mižnarodnych turniraŭ. U Hrodzienskim dziaržaŭnym ahrarnym univiersitecie na kafiedry fizičnaha vychavańnia i sportu jon pracavaŭ z 2005 hoda. Za hety čas Biesarab padrychtavaŭ 5 majstroŭ i 5 kandydataŭ u majstry sportu i 1 majstra sportu mižnarodnaha kłasa.
Na najbujniejšych pradpryjemstvach lohkaj pramysłovaści raskryli karupcyjnyja schiemy
U Homieli za karupcyju sudziać «hanarovaha homsielmašaŭca»
Zatrymali troch top-čynoŭnikaŭ ź Biełaruskaj čyhunki