Minskamu fatohrafu pahražaje da piaci hadoŭ kałonii za «finansavańnie ekstremisckaha farmiravańnia»
U toj momant, kali jon, pa viersii siłavikoŭ, zrabiŭ achviaravańnie, nijakich «ekstremisckich farmiravańniaŭ» u krainie jašče nie isnavała.
31.10.2024 / 07:00
Arciom Ziańkoŭ. Fota ź jahonaj staronki «Ukantakcie»
Arciomu Ziańkovu ź Minska 40 hadoŭ. Viadoma, što Arciom zajmajecca fatahrafijaj i maje firmu, jakaja daje ŭ arendu fotaabstalavańnie. U mužčyny jość žonka i niepaŭnaletniaje dzicia.
Ziańkova pačnuć sudzić 6 listapada ŭ Minskim haradskim sudzie. Jaho abvinavačvajuć u «finansavańni dziejnaści ekstremisckaha farmiravańnia» (art. 361-2 KK, straciŭ moc u mai 2021 hoda). Admietna, što da maja 2021 hoda, kali jon zrabiŭ achviaravańnie, śpisu «ekstremisckich farmiravańniaŭ» jašče nie isnavała.
Zvyčajna pa takich artykułach sudziać za danaty. Mužčynie pahražaje da piaci hadoŭ kałonii. Inšyja padrabiaznaści spravy nieviadomyja.
Sudzić Ziańkova budzie Žanna Brysina. Jana asudziła niekalki dziasiatkaŭ biełarusaŭ pa palityčna matyvavanych kryminalnych spravach.
Kaho sadziać za danaty, a kamu dazvalajuć adkupicca. Voś jakaja łohika
Biełaruskamoŭnaha ajcišnika z EPAM asudzili na drakonaŭski termin za danaty
Staŭ viadomy prysud za danaty mieniedžaru farmaceŭtyčnych kampanijaŭ Siarhieju Šelehu. Jon uražvaje