Уладальнік TikTok стаў самым багатым чалавекам Кітая
Заснавальнік кампаніі ByteDance, якая валодае платформай TikTok, Чжан Імін стаў самым багатым чалавекам Кітая.
30.10.2024 / 08:29
Photo/VCG
Паводле штогадовага спісу Hurun China Rich List, асабістае багацце бізнэсоўца складае 49,3 мільярда даляраў. Пра гэта паведаміла агенцтва Reuters.
Чжан Імін у 2021 годзе сышоў з пасады генеральнага дырэктара ByteDance і стаў 18-м уладальнікам звання самага багатага чалавека Кітая за 26 гадоў. Менавіта столькі гадоў прайшло з выпуску першага выдання Hurun China Rich List.
Уладальнік TikTok абагнаў уладальніка вытворчасці бутыляванай вады Чжун Шаньшаня, багацце якога скарацілася на чвэрць і ацэньваецца цяпер у 47,9 мільярда даляраў.
Нягледзячы на судовую цяжбу за актывы ў ЗША, глабальны даход ByteDance вырас у 2023 годзе на 30%.
Колькасць мільярдэраў у кітайскім спісе скарацілася на 142 і цяпер складае 753. Гэта менш, чым было ў пікавым 2021 годзе, піша Расійская служба Радыё Свабода.