Vyzvaliŭsia biełaruski złodziej u zakonie Paštet
Z mahiloŭskaj turmy ŭ kastryčniku vyzvaliŭsia 42-hadovy minski złodziej u zakonie Pavieł Alaksiajevič, bolš viadomy ŭ kryminalnym asiarodździ jak Paštet. Pra heta paviedamiŭ sajt «Prajm Krajm», jaki śpiecyjalizujecca na kryminalnaj tematycy.
28.10.2024 / 22:02
Pavieł Aleksiajevič (Paštet)
Hetym razam kryminalny aŭtarytet siadzieŭ «usiaho» try hady, a pasadzili jaho za chulihanstva. Ahułam ža turemny staž Pašteta dasiahnuŭ užo 20 hadoŭ.
U kancy žniŭnia 2021 hoda čaćviora prychilnikaŭ kryminalnaha aŭtaryteta ŭ Barysavie źbili 40-hadovaha mužčynu. Žorstki napad byŭ ździejśnieny kala ŭvachodu ŭ hipiermarkiet, na vačach naviedvalnikaŭ i rabotnikaŭ handlovaha abjekta. Nieŭzabavie paśla taho Paštet byŭ aryštavany i trapiŭ pad sud.
Usiaho ž za svajo 42-hadovaje žyćcio Pavieł Alaksiajevič sudziŭsia šeść razoŭ, uklučajučy dva terminy pa prysudach rasijskich sudoŭ, kali ŭžo značyŭsia ŭ kryminalnaj ijerarchii złodziejem u zakonie.
Ciapier Alaksiajevič nibyta žyvie ŭ Minsku, jamu ŭstanavili nahlad terminam na 1 hod.
Vidać, jon staŭ druhim złodziejem u zakonie, jaki žyvie na terytoryi Biełarusi. Pieršy — heta Miadźviedzieŭ pa mianušcy Miedźviažonak, kali toj jašče nie vyjechaŭ za miažu. Pra jaho načalnik HUBAZiKa Andrej Ananienka ŭ sakaviku 2024 hoda havaryŭ, što toj «razumieje, što ŭ vypadku parušeńnia peŭnych čyrvonych linij jon znoŭ chutka vierniecca za kraty».
Uvohule ž hałoŭny hubazikaviec tady kazaŭ, što pad pilnaj uvahaj jahonych supracoŭnikaŭ zastavalisia šeść «złodziejaŭ u zakonie», troje ź jakich adbyvali pakarańnie ŭ miescach źniavoleńnia. Pry hetym dvoje byli vymušanyja vyjechać za miežy Biełarusi, tamu što, maŭlaŭ, «im było niekamfortna tut znachodzicca z pryčyny pravodzimych nami prafiłaktyčnych mierapryjemstvaŭ».
HUBAZiK: My vyznačyli čyrvonyja linii dla złodzieja ŭ zakonie «Miedźviažonka»
Ź Ivacevickaj kałonii vyzvaliŭsia viadomy biełaruski «złodziej u zakonie»
Bandy 90-ch. Jak vyhladali ŭdzielniki biełaruskich złačynnych hrupovak ŠMAT FOTA