U Hruzii pačalisia pratesty suprać vynikaŭ parłamienckich vybaraŭ
Na vialikim mitynhu ŭ Tbilisia hruzinskaja apazicyja zapatrabavała praviadzieńnia paŭtornaha hałasavańnia.
28.10.2024 / 20:15
Fota: AP Photo/Zurab Tsertsvadze
Siarod inšych na mitynhu vystupiła prezidentka Hruzii Sałamie Zurabišvili, jakaja abviaściła, što «nichto nie zmoža skraści jeŭrapiejskuju budučyniu Hruzii».
«Tyja, chto tut, — vy nie prajhrali vybary […] U vas skrali hałasy i pastaralisia skraści ŭ vas budučyniu! Ale ni ŭ kaho niama prava na heta, i vy nie daście nikomu na heta prava!» — zajaviła jana.
Sałamie Zurabišvili. Fota: AP Photo/Zurab Tsertsvadze
«Mahu paklaścisia, što budu z vami da kanca na hetym jeŭrapiejskim šlachu. Da taho času, pakul my nie dasiahniem Jeŭropy, jakaja źjaŭlajecca nie prosta našaj maraj, a realnaściu, bo ŭ nas niama inšaj alternatyvy», — zajaviła Zurabišvili.
«Adzinyja pieramovy z uradam buduć tyčycca taho, kab pravieści novyja vybary pry dapamozie mižnarodnych naziralnikaŭ», — zajaviŭ kiraŭnik «Adzinaha nacyjanalnaha ruchu» Hieorhij Vašadze.
Fota: AP Photo/Zurab Tsertsvadze
Miarkujučy pa fota i videa, na hety mitynh pryjšło dastatkova šmat ludziej, paviedamlajecca pra prynamsi 15 tysiač čałaviek.
Siłaviki ŭ Tbilisi źbirajucca na vulicach, jakija prymykajuć da centralnaha praśpiekta Rustavieli, dzie idzie akcyja pratestu. Pra zatrymańni pratestoŭcaŭ abo ich sutyknieńni ź siłavikami pakul nie paviedamlałasia.
Prezidentka Hruzii admoviłasia pryznavać vyniki vybaraŭ u parłamient
Čamu mnohija žychary Hruzii, jakaja imkniecca ŭ ES, hałasavali za «Hruzinskuju maru»?
«Hruzinskaja mara» pieramahła na vybarach u Hruzii, apazicyja zajaviła pra masavyja falsifikacyi