U Łatvii abjavili ŭ vyšuk prarasijskaha žurnalista, jaki ŭciok u Biełaruś
Kurziemski rajonny sud u Vientśpiłsie abjaviŭ u vyšuk prakramloŭskaha aktyvista, hramadzianina Łatvii Juryja Alaksiejeva paśja taho, jak toj nie źjaviŭsia na sudovaje pasiedžeńnie ŭ spravie dziejnaści sajta imhoclub.lv, paviedamlaje vydańnie LETA.
28.10.2024 / 19:16
Juryj Alaksiejeŭ. Fota: facebook.com/yury.alekseev.94
Da hetaha času Alaksiejeŭ vykonvaŭ svaje pracesualnyja abaviazki i prysutničaŭ na ŭsich sudovych pasiadžeńniach, ale 28 kastryčnika nie źjaviŭsia ŭ sud. Jak paviedamili ŭ sudovaj administracyi, 23 vieraśnia 2020 hoda Słužba dziaržaŭnaj biaśpieki Łatvii admianiła nakładzienyja na Alaksiejeva miery strymańnia, u tym liku zabaronu na vyjezd z krainy.
Sudździa Kurziemskaha rajonnaha suda Huna Trojka zajaviła, što sud pryznaŭ niajaŭku Alaksiejeva na sudovaje pasiadžeńnie nieapraŭdanaj i vynies pastanovu ab užyvańni miery pracesualnaha prymusu.
Raniej Juryj Alaksiejeŭ, jaki źjaŭlajecca fihurantam kryminalnaj spravy ŭ Łatvii, paviedamiŭ, što znachodzicca ŭ Biełarusi i maje namier prasić tam palityčnaha prytułku.
Samy viadomy prarasijski žurnalist Łatvii ŭciok u Biełaruś
U Biełarusi zatrymali 26 hramadzian Łatvii
U Łatvii biełaruscy admovili ŭ prytułku, ale sud vynies inšaje rašeńnie