«Łuč» vypuskaje kalekcyju hadzińnikaŭ u pamiać pra chakieista Rusłana Saleja
Biełaruskaja kampanija vypuścić limitavanuju kalekcyju naručnych hadzińnikaŭ u pamiać pra zahinułaha chakieista Rusłana Saleja, paviedamlajecca ŭ sacsietkach kampanii.
28.10.2024 / 14:14
Fota ź instahrama «Łuča»
Limitavanaja kalekcyja hadzińnikaŭ «Rusłan Salej» stvarajecca ŭ honar 50-hodździa z dnia naradžeńnia lehiendarnaha biełaruskaha chakieista.
Hetyja ŭnikalnyja hadzińniki — uvasableńnie stojkaści, siły i dakładnaści, jakimi słaviŭsia Rusłan na lodzie i za jaho miežami, — adznačyli ŭ kampanii.
Rusłan Salej — samy viadomy biełaruski chakieist, pravioŭ u Nacyjanalnaj chakiejnaj lizie z 1996 pa 2011 hod, zhulaŭ 914 matčaŭ, pieravažna za «Anachajm». Uletku 2011 hoda pierajšoŭ u jarasłaŭski «Łakamatyŭ». Raźbiŭsia razam z kamandaj 7 vieraśnia 2011 hoda, kali «Łakamatyŭ» lacieŭ u Minsk na chakiejnuju hulniu z «Dynama». 2 listapada 2024 hoda Rusłanu mahło spoŭnicca 50 hadoŭ.