Stała viadoma, što źjavicca na miescy «Kazačnaha zamka» ŭ parku Horkaha
U Centralnym dziciačym parku im. M. Horkaha demantujuć kaviarniu «Kazačny zamak». «Minsk-Naviny» daviedalisia, što płanujuć uzvodzić na placoŭcy, jakaja vyzvaliłasia.
28.10.2024 / 10:47
- Ciapier tut budzie zona «cichaha adpačynku», - raspavioŭ načalnik parku Horkaha Hleb Kuźniacoŭ. - Prajekt praduhledžvaje draŭlanyja naściły na palach, z mahčymaściu blizkaha padychodu da vady. Taksama budzie vykanana dobraŭparadkavańnie prylehłaj da vadajoma terytoryi. Pa ŭsim parku, u tym liku na nabiarežnaj, raźmieściacca handlovyja paviljony i mini-kafe, aformlenyja ŭ adzinym styli. Usiaho ich budzie 27 štuk.
Padrychtoŭčyja mierapryjemstvy pa rekanstrukcyi parka pačalisia 7 kastryčnika. Zaviaršyć rekanstrukcyju «Minskzielanbud» maje namier da pačatku nastupnaha siezona atrakcyjonaŭ. Tradycyjna ich zapuściać u kancy krasavika.