U Minsku baćka pryjšoŭ da syna, a toj ź siabrukami ŭžyvaje narkotyki. Mužčyna ŭsich zdaŭ
U Minsku zatrymali 26-hadovaha chłopca i jaho znajomuju. Jany stali padazravanymi ŭ spravie ab niezakonnym abarocie narkotykaŭ, paviedamiła pres-słužba MUS.
28.10.2024 / 09:14
«U Kastryčnickaje RUUS stalicy źviarnuŭsia mužčyna, jaki pryjechaŭ u hości da syna i zaśpieŭ jaho z kampanijaj pry ŭžyvańni narkotykaŭ. Miančuk zamknuŭ ich u kvatery i patelefanavaŭ na liniju «102», — havorycca ŭ paviedamleńni MUS.
Na miesca vyjechali apieratyŭniki narkakantrolu i patrulnyja milicyjanty. U žyllo znajšli šali, zip-pakiety, izastužku, špryc i skrutak z paraškapadobnym rečyvam. Usich maładych ludziej dastavili ŭ RUUS.
«26-hadovy syn razam sa svajoj znajomaj kala miesiaca pracavali kurjerami internet-kramy pa prodažy narkotykaŭ. Jany zabirali bujnyja partyi «tavaru» ŭ lasnym masivie stalicy, fasavali na drobnyja dozy i raskładvali pa schovankach», — dadali ŭ MUS.
U dačynieńni da pary raspačali kryminalnuju spravu. Takcama milicyja praviaraje na dačynieńnie da niezakonnaha abarotu narkotykaŭ inšych udzielnikaŭ kampanii.