CVK Hruzii abjaviła pra bolš čym 50% u «Hruzinskaj mary»
CVK Hruzii paviedamiła, što kiroŭnaja partyja «Hruzinskaja mara» nabiraje 53,5% hałasoŭ vybarščykaŭ pavodle źviestak na 01:30 miascovaha času (0:30 pavodle Minska).
27.10.2024 / 00:26
Hanarovy staršynia «Hruzinskaj mary», šery kardynał hruzinskaj palityki Bidzina Ivanišvili na vybarčym učastku. Fota: AP Photo/Kostya Manenkov
Pavodle źviestak na sajcie CVK, druhoje miesca pakul zastajecca za rucham «Adzinstva — nacyjanalny ruch» z vynikam 11%. «Kaalicyja za pieramieny» atrymlivaje 9,6%, «Mocnaja Hruzija» — 9,02%, «Hacharyja — za Hruziju» — 7,9%.
Astatnija partyi pakul nie pieraadolvajuć 5-pracentny barjer, nieabchodny dla traplańnia ŭ parłamient. Usiaho ŭ vybarach udzielničali 18 partyj.
Jaŭka na vybarach skłała 58,94%. Heta bolš, čym na minułych, jakija prajšli čatyry hady tamu: u 2020 hodzie na ŭčastki pryjšli 56,11% hruzinskich vybarščykaŭ.
Tym časam nieviadomyja ździejśnili napad na ofis apazicyjnaj «Kaalicyi za pieramieny» ŭ horadzie Zuhdzidzi na zachadzie krainy. Jany zakidali budynak mietaličnymi pradmietami i kastrulami, sprabujučy ŭvajści ŭsiaredzinu, ale ŭciakli, kali na miesca zdareńnia prybyli žurnalisty. Ciapier tam znachodziacca palicyja i chutkaja, pra paciarpiełych nie paviedamlajecca. Kažuć, heta ŭžo druhi napad na toj ža ofis za siońnia.
U Hruzii prachodziać parłamienckija vybary, ad jakich zaležyć jeŭrapiejskaja budučynia krainy
Rasijskija chakiery hadami sačyli za Hruzijaj — Bloomberg