Voś za što biznesoŭcu Siarhieju Junčycu prysudzili piać hadoŭ kałonii i 20 tysiač rubloŭ štrafu
Prakuratura Minskaj vobłaści pachvaliłasia tym, što zapisali ŭ abvinavačańnie.
26.10.2024 / 17:05
Siarhiej Junčyc. Fota z fejsbuka
Prakuratura Minskaj vobłaści napisała pra toje, za što pradprymalniku Siarhieju Junčycu prysudzili piać hadoŭ kałonii za danaty.
Jany paviedamlajuć, što jon zrabiŭ hrašovyja pieravody 24 palitviaźniam u SIZA na ahulnuju sumu ŭ 500 rubloŭ. Taksama jon achviaravaŭ 1300 rubloŭ pravaabaroncam i inicyjatyvam, jakija dapamahajuć represavanym. Heta «Biełaruskaja rada kultury», Dissidentby i «Kraina dla žyćcia».
Admietna, što prakuratura traktuje dapamohu palitviaźniam jak sadziejničańnie ekstremisckaj dziejnaści. Maŭlaŭ, nidzie, akramia «ekstremisckich» vydańniaŭ dy sajtaŭ pravaabarončych arhanizacyjaŭ, niama źviestak pra palitviaźniaŭ, tamu i ŭziać ich možna tolki z ekstremisckich resursaŭ.
«Z ulikam pradstaŭlenych dziaržaŭnym abvinavaŭcam dokazaŭ sudovaja kalehija Minskaha haradskoha suda pastanaviła abvinavaŭčy prysud.
Na padstavie č. 1 i č. 2 art 361-2 KK («finansavańnie ekstremisckaha farmiravańnia») i č. 1 i č. 2 art. 361-4 KK («sadziejničańnie ekstremisckaj dziejnaści») abvinavačanamu pryznačanaje pakarańnie ŭ vyhladzie pazbaŭleńnia voli na 5 hadoŭ sa štrafam u pamiery 500 bazavych vieličyniaŭ (20 tysiač rubloŭ) z adbyćciom pakarańnia ŭ papraŭčaj kałonii va ŭmovach uzmocnienaha režymu», — piša sajt prakuratury.
Jašče adzin značny biznesoviec atrymaŭ 5 hadoŭ turmy za danaty salidarnaści
57-hadovaha viciebskaha bajkiera buduć sudzić pa palityčnaj kryminałcy za danaty