U Polščy zatrymali dyviersantaŭ, jakija rassyłali pa Jeŭropie pasyłki z vybuchoŭkaj
Nacyjanalnaja prakuratura Polščy paviedamiła, što sumiesna z Ahienctvam unutranaj biaśpieki raskryła mižnarodnuju dyviersijnuju hrupu. Jana nibyta adpraŭlała pa krainach ES i ŭ Vialikabrytaniju pasyłki z zamaskiravanymi vybuchovymi rečyvami.
26.10.2024 / 15:45
Zdymak ilustracyjny. Fota: freepik.com
Infarmacyja pra heta była atrymanaja śpiecsłužbami ŭ žniŭni 2024 hoda, paśla taho pačałosia rasśledavańnie. Da jaho było padklučana taksama Upraŭleńnie hramadzianskaj avijacyi Polščy.
Jak vyśvietliła śledstva, dyviersanty vykarystoŭvali kurjerskija słužby dla adpraŭki pasyłak z zamaskiravanymi vybuchovymi i niebiaśpiečnymi materyjałami. Pasyłki byli ŭładkavanyja takim čynam, što musili samazaharacca abo vybuchać padčas naziemnaj abo pavietranaj pieravozki. Pavodle słoŭ śledčych, hrupa testavała kanały dastaŭki takich pasyłak z metaj nastupnaj adpraŭki ich u ZŠA i Kanadu.
U ramkach spravy zatrymanyja i aryštavanyja čatyry čałavieki. Jašče dvoje padazravanych abvieščanyja ŭ mižnarodny vyšuk. Asoby i hramadzianstva aryštavanych i padazravanych nie raskryvajucca.
«My nie zrobim ni kroku nazad». U Poznani zakryvajuć hienieralnaje konsulstva Rasii
Kiraŭniki raźviedki krain Zachadu ŭstryvožanyja «dzikimi pavodzinami» rasijskich śpiecsłužbaŭ