U biełaruskich sanatoryjach zrobiać śpiecyjalnyja numary dla peŭnaj katehoryi ludziej
U takoj mahčymaści asabliva zacikaŭleny pryvatnyja sanatoryi.
26.10.2024 / 13:17
delfin-tour.com
U sanatoryjach Biełarusi ŭvodziać numary dla asablivych adpačyvalnikaŭ. Pra heta raspavioŭ dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski ŭ Nacyjanalnym pres-centry, piša Tochka.by.
Pa jaho słovach, u takoj mahčymaści asabliva zacikaŭleny pryvatnyja zdraŭnicy.
Bałbatoŭski anansavaŭ, što ŭ niekalkich miescach adpačynku buduć adkryty numary dla pryjomu haściej z hadavancami. Naprykład, jany źjaviacca ŭžo ŭ 2024 hodzie ŭ «Alfa Radonie» i ŭ «Plisie».
Pakul heta nie masavaja źjava, bo «ŭ roznych ułaśnikaŭ svaje arhumienty». Pry tym udakładniŭ, što zdraŭnicy ruchajucca ŭ hetym kirunku.
Akramia taho, Hienadź Bałbatoŭski zajaviŭ, što ŭ Biełarusi ŭ chutkim časie mohuć adkrycca novyja sanatoryi.
Pavodle jaho słoŭ, pieralik miescaŭ dla mahčymaj pabudovy novych sanatoryjaŭ užo raspracavany. U jaho ŭvajšli łakacyi, jakija pryviazanyja da pryrodnych lačebnych faktaraŭ. Ciapier takich miescaŭ niekalki dziasiatkaŭ, idzie pošuk inviestaraŭ.