Z-za rakietnaha ŭdaru Izraila pa Iranie samalot siamji Łukašenki nočču 2 hadziny kružyŭ nad Baku
Minułaj nočču samalot EW-301PJ, jaki zvyčajna vykarystoŭvajuć Viktar i Dźmitryj Łukašenka, byŭ vymušany amal 2 hadziny kružyć nad Baku z-za rakietnaha ŭdaru Izraila pa Iranie, piša Motolkohelp.
26.10.2024 / 12:02
Samalot siamji Łukašenki vylecieŭ ź Minska ŭčora kala 23:20, paśla čaho zrabiŭ prypynak dla dazapraŭki ŭ Baku i vylecieŭ adtul kala 3:30 (pa Minsku), nakiroŭvajučysia ŭ Abjadnanyja Arabskija Emiraty, u Dubaj. Adnak užo praź niekalki chvilin samalot raźviarnuli nad Kaśpijskim moram i zabaranili ruchacca ŭ kirunku Irana, jaki zakryŭ svaju pavietranuju prastoru.
Čakajučy dazvołu, samalot da 5:20 ranicy bieśpierapynna kružyŭ nad moram, ale ŭ vyniku byŭ vymušany viarnucca nazad u Azierbajdžan. Druhi raz samalot vylecieŭ tolki ŭ 9:28 (pa Minsku) i zaraz lacić u niebie nad Iranam.
Pa hetaj ža pryčynie niezapłanavanuju pasadku ŭ Baku zrabiŭ i rejs avijakampanii Flydubai FZ1716, jaki lacieŭ ź Minska ŭ Dubaj.