Prapahandyst Biahun, jaki vajuje na baku Rasii, uziaŭ sabie pazyŭny «Špic»
Illa Biahun vajuje va Ukrainie z krasavika. Jon źjaŭlajecca kamandziram adździaleńnia radyjoelektronnaj baraćby (REB).
26.10.2024 / 09:12
Illa Biahun. Skrynšot videa ANT
Staŭ viadomy pazyŭny prapahandysta Biehuna, jaki vajuje na baku Rasii va Ukrainie. Pra heta jon paviedamiŭ sam u svaim telehram-kanale.
«Čamu špic? Dla biełarusaŭ pytańnie rytaryčnaje», — napisaŭ prapahandyst u svaim telehram-kanale.
Fota: th-kanał Illi Biehuna
Illa Biahun vajuje va Ukrainie z krasavika. Jon źjaŭlajecca kamandziram adździaleńnia radyjoelektronnaj baraćby (REB).
Jak śćviardžaŭ Biahun, na vajnu jon pajšoŭ dobraachvotnikam i jaho adrazu pastavili kamandziram adździaleńnia na druhoj linii dla vykanańnia bajavoj zadačy.
Mužčyna dzialiŭsia tady śpiecyfikaj raboty: «davodzicca pracavać u niepasrednaj blizkaści da ŁBS (linii bajavoha sudakranańnia), paru kiłamietraŭ».
Illa — u minułym prahramist, jaki ŭ 2020-m staŭ aktyvistam štaba Valeryja Capkały, a paśla niejki čas byŭ palitemihrantam, staraŭsia zblizicca z asiarodkam Śviatłany Cichanoŭskaj. Paśla svajho viartańnia ŭ Biełaruś u pačatku 2021 hoda Biahun byŭ udzielnikam Kruhłaha stała Vaskrasienskaha i hościem prapahandysckich ŚMI.