U Minsk źbirajecca lotać jašče adna rasijskaja avijakampanija
Pra płany novaj avijakampanii pačać paloty ŭ Minsk stała viadoma z materyjałaŭ da pasiadžeńnia Mižviedamasnaj kamisii «Rasavijacyi» pa dopusku. Havorka idzie pra avijakampaniju «NordStar», jakoj płanujuć vydać dopusk na liniju Minsk — Maskva, piša Blizko.by.
25.10.2024 / 23:27
Pry hetym dopusk płanujuć vydać časovy (zvyčajna taki dajecca na 3 miesiacy) z častatoj palotaŭ 1 raz na tydzień.
Viadoma, što ŭ kancy kastryčnika samalot «NordStar» prylataŭ z Maskvy ŭ Minsk, ale heta byŭ nierehularny rejs. U raskładzie kampanii i sistemie braniravańnia biletaŭ u Minsk hetaj avijakampanii pakul jašče niama.
Avijakampanija «NordStar» uvachodzić u lik 15 najbujniejšych avijapieravozčykaŭ Rasii i bazujecca ŭ Maskvie i Krasnajarsku. Kampanija absłuhoŭvaje mnohija paŭnočnyja maršruty pa Rasii, a taksama niekalki mižnarodnych. U parku kampanii 9 samalotaŭ Boeing 737-800 i 1 samalot Boeing 737-300.
Ciapier dopusk na hetuju liniju majuć rasijskija avijakampanii «Aerafłot» (49 razoŭ na tydzień), «Pobieda» (7 razoŭ na tydzień), «Sieviernyj vietier» (Nordwind, 7 razoŭ na tydzień) i afilavanaja ź joj kampanija «Ikar» (7 razoŭ na tydzień), «Sibir» (S7, 7 razoŭ na tydzień) i «JUTejr» (21 raz na tydzień).
Dopusk kampanii «NordStar» źbirajucca vydać, adnačasova zabraŭšy prava na paloty ŭ kampanii «Sieviernyj vietier».
Pry hetym dziejničaje mižuradavaje pahadnieńnie, zhodna ź jakim, niahledziačy na kolkaść vydadzienych dopuskaŭ, kožny bok (asobna Biełaruś i asobna Rasija) mohuć vykonvać nie bolš čym pa 63 rejsy ŭ tydzień pamiž Minskam i Maskvoj. Heta značyć, usie dapuščanyja na liniju rasijskija avijakampanii mohuć vykonvać pa 9 rejsaŭ u dzień, i stolki ž — biełaruskija avijakampanii.
Bort Łukašenki z-za techničnych prablem viarnuŭsia ŭ Minsk bieź jaho
«Biełavija» pradaje apošni kanadski samalot sa svajho avijaparku
Samalot ź Biełarusi pralacieŭ nad Litvoj i Polščaj. Jak tak atrymałasia?