Dźvie biełaruski mohuć atrymać 10 hadoŭ kałonii za jabłyki
Hramadzianki Biełarusi brali ŭdzieł u schiemie kantrabandy polskich jabłykaŭ u Rasiju.
25.10.2024 / 18:19
Hrupa dastaviła ŭ Biełaruś pa padroblenych dakumientach 10 hruzavikoŭ z polskimi jabłykami, paśla ich pavinny byli adpravić u Rasiju.
Jak vyśvietlili supracoŭniki adździeła pa baraćbie z kantrabandaj, adna z zatrymanych žančyn kuryravała pytańnie adsočvańnia hruzavikoŭ, jakija ŭvozili na terytoryju Biełarusi jabłyki z Polščy.
Druhaja vyrašała pytańni z dakumientami. Jana zabiaśpiečvała sadavinu fitasanitarnymi siertyfikatami, u jakich značyłasia nibyta małdaŭskaje pachodžańnie jabłykaŭ. Žančyny atrymali ŭznaharodu za pracu.
Takim čynam u Rasiju pieramiaścili bolš za 200 ton polskich jabłykaŭ. U padroblenych dakumientach ich košt składaŭ zvyš 170 tys. rubloŭ. Realny košt u razy bolšy — 700 tys. rubloŭ.
Apieratyŭnaja mytnia ŭ dačynieńni da biełarusak i inšych nieŭstanoŭlenych asob, jakija ŭdzielničajuć u hetaj schiemie, zaviała kryminalnyja spravy pa artykule ab kantrabandzie hrupaj asob.
Artykułam praduhledžana pazbaŭleńnie voli ad 5 da 10 hadoŭ.
U Polščy raskryli sietku pa dastaŭcy mihrantaŭ u Jeŭrasajuz praź Biełaruś
Kantrabandystam Kabarčukam prysudzili pa 20 hadoŭ źniavoleńnia