Pamiatajecie sabaku, jaki zalez na piramidu Chieopsa? Ciapier jon pryvioŭ tudy siabroŭ
Pa adnym z cudaŭ śvietu ciapier hulaje cełaja kampanija chvastatych.
25.10.2024 / 16:37
Niadaŭna płanieryst Aleks Łanh zaŭvažyŭ na viaršyni Vialikaj piramidy ŭ Hizie sabaku. Jon adčuvaŭ siabie ŭpeŭniena, zusim nie bajaŭsia vyšyni i brachaŭ na ptušak.
Paźniej stała viadoma, što sabaka paśpiachova spuściŭsia ź piramidy. Adnak na hetym historyja nie skončyłasia: dniami na piramidzie zaŭvažyli cełuju kampaniju sabak.
Karystalniki sacsietak žartujuć, što Apałon — tak zavuć pieršaha sabaku — ciapier vodzić svaich siabroŭ na ekskursii.
Apałona paznaŭ suzasnavalnik amierykanskaha Kairskaha fondu vyratavańnia žyvioł Ibrahim Elbiendary. Jon raskazvaŭ The Washington Post, što ŭ vakolicach Vialikaj piramidy žyvuć vosiem badziažnych sabak.
Jany raz-poraz załaziać na viaršyniu piramidy — a heta 138 mietraŭ — i palujuć na ptušak. Supracoŭniki Fondu sprabujuć znajści žyviołam novy dom i spadziajucca, što roliki, jakija zavirusilisia ŭ siecivie, dapamohuć u hetaj spravie.
Na samaj viaršyni piramidy Chieopsa ŭ Jehipcie zaŭvažyli sabaku
U Zimbabve z-za zasuchi źbirajucca zabić 200 słanoŭ
Vialiki Jehipiecki muziej u Hizie adkryŭsia paśla 20 hadoŭ budaŭnictva