Papularny hrodzienski sajt spyniŭ pracu
Hrodzienski sajt s13.ru, a taksama jaho sacsietki pierastali abnaŭlacca 23 kastryčnika, zaŭvažyŭ kanał «Pravo imiejut».
25.10.2024 / 14:43
Niekalki krynic paviedamili, što sajt mahli pryznać ekstremisckim. Pakul s13.ru ŭ Respublikanskim śpisie ekstremisckich materyjałaŭ niama, ale, pišuć pravaabaroncy, na hetym tydni ŭ sudzie Hrodna byŭ sud ab pryznańni niejkaha resursu ekstremisckimi materyjałami.
Viadoma, što niadaŭna ŭładalnika sajta Siarhieja Čaboćku zatrymlivali za raspaŭsiud ekstremisckich materyjałaŭ (art. 19.11 KaAP). Mahčyma, čutki ab pryznańni resursu ekstremisckim, jakija pajšli ŭ Hrodnie, źviazanyja mienavita z hetym.
Sajt s13.ru pracuje amal 20 hadoŭ. Niekatoryja teksty źbirajuć pa 20-100 tysiač prahladaŭ. U instahramie vydańnia 82 tysiačy padpisčykaŭ, u telehramie — kala 14 tysiač.