MKS abvinavaciŭ Manholiju ŭ parušeńni Rymskaha statuta za admovu aryštavać Pucina
MKS pieradaŭ na razhlad dziaržavam-udzielnicam Rymskaha statuta spravu Manholii. Što pahražaje Manholii — nieviadoma.
25.10.2024 / 11:00
Pucina ŭ Manholii sustrakali čyrvonaj darožkaj
Pałata papiaredniaj vytvorčaści Mižnarodnaha kryminalnaha suda (MKS) pastanaviła, što, admoviŭšysia aryštoŭvać Uładzimira Pucina, Manholija nie vykanała abaviazacielstvaŭ u ramkach supracoŭnictva z sudom, što supiarečyć pałažeńniam Rymskaha statuta.
«Uličvajučy surjoznaść admovy Manholii supracoŭničać z sudom, pałata paličyła nieabchodnym pieradać hetaje pytańnie na razhlad Asamblei dziaržaŭ-udzielnic», — havorycca ŭ pres-relizie instancyi.
Jakim budzie pakarańnie dla Manholii — nieviadoma.
Raniej ułady Manholii zajavili, što kraina znachodzicca ŭ enierhietyčnaj zaležnaści ad Rasii, i tamu nie moža aryštavać Pucina.
Kiraŭnik Rasii naviedaŭ Manholiju z aficyjnym vizitam 2-3 vieraśnia.
Mižnarodny kryminalny sud u Haazie vydaŭ ordar na aryšt Uładzimira Pucina i ŭpaŭnavažanaj pa pravach dziciaci ŭ RF Maryi Lvovaj-Białovaj u sakaviku 2023 hoda.