Kraš-test ad čynoŭnikaŭ — hubiernatar Mahiloŭščyny paskakaŭ na łapacie
Staršynia Mahiloŭskaha abłvykankama Anatol Isačanka naviedaŭ Babrujsk 24 kastryčnika. Na babrujskim pradpryjemstvie «Lehpramraźvićcio» jamu pakazali novuju pradukcyju, jakoj hubiernatar pachvaliŭsia ŭ tyktoku.
25.10.2024 / 10:17
Na videa Isačanka skača na šufli i kidaje kantejniery — płastyk vytrymlivaje ŭsio.
«Unikalnaje šmatprofilnaje pradpryjemstva ZAT «Lehpramraźvićcio» vyrablaje ŭ tym liku pradukcyju z płastyku. U nadziejnaści pierakanaŭsia asabista», — napisaŭ Isačanka pad pastom u tyktoku.
Siarod kamientataraŭ tradycyjna znajšlisia skieptyki i krytyki. «U jakim stahodździ my žyviom? Nu dobra, dapuścim, atrymałasia ŭ vas zrabić łapatu, jakaja nie łamajecca, ale možna zrabić łapatu ź lohkaj i tryvałaj ručkaj, a nie tronkam i h. d. Voś chto jaje kupić u takim vyhladzie?»
«U Kitai ŭžo daŭno hetaja chreń. Sumniavajusia, što heta jany sami vyrabili, bo ŭ prodažy daŭniutka jość», — pišuć u kamientarach.