Pucin nie staŭ admaŭlać pierakidańnie vojskaŭ KNDR u Rasiju
Prezident Rasii Uładzimir Pucin uchiliŭsia ad pramoha adkazu na pytańnie, ci praŭda, što sałdaty z KNDR rychtujucca vajavać na baku Rasii suprać Ukrainy, piša The Moscow Times.
24.10.2024 / 20:21
Uładzimir Pucin. Skrynšot ź videa
Žurnalist NBC News pakazaŭ Pucinu zdymki, jakija śviedčać pra pierakidańnie paŭnočnakarejskich vajskoŭcaŭ na terytoryju Rasii, spytaŭ, što hetyja ludzi tam robiać i ci nie budzie heta jašče bolšaj eskałacyjaj.
«Zdymki — reč surjoznaja. Kali jość zdymki, značyć, jany niešta adlustroŭvajuć», — zajaviŭ Pucin.
Pry hetym jon padkreśliŭ, što supracoŭnictva Rasii i KNDR — unutranaja sprava dźviuch krain.
«Siońnia ratyfikavany naš dahavor [ab usioachopnym stratehičnym partniorstvie]. Tam jość artykuł 4 [ab vajennaj dapamozie ŭ vypadku napadu na adnu z krain], i my nikoli anitrochi nie sumniavalisia, što paŭnočnakarejskaje kiraŭnictva stavicca da našych damoŭlenaściaŭ surjozna. Ale što i jak my budziem rabić — heta ŭžo naša sprava ŭ ramkach hetaha artykuła», — adznačyŭ Pucin.
Raniej u Nacyjanalnaj raźviedvalnaj słužbie Paŭdniovaj Karei paviedamili, što KNDR užo pierakinuła pieršuju hrupu vajskoŭcaŭ va Uładzivastok dla prachodžańnia padrychtoŭki, a ahułam Pchieńjan maje namier dać Pucinu čatyry bryhady ahulnaj kolkaściu 12 tysiač čałaviek dla ŭdziełu ŭ vajnie suprać Ukrainy.
Akramia hetaha, na front mohuć adpravicca padraździaleńnie śpiecyjalnaha pryznačeńnia, a taksama lotčyki, jakija buduć kiravać rasijskimi Su-25 i MiH-29.
ZŠA taksama paćvierdzili prysutnaść paŭnočnakarejskich vajskoŭcaŭ u Rasii ŭ kolkaści 3 tys. čałaviek.
Paŭdniovaja Kareja paabiacała adkaz na ŭciahvańnie KNDR u vajnu va Ukrainie
Ukraina apublikavała VIDEA ź dziasiatkami sałdat KNDR, jakija atrymlivajuć rasijskuju formu
HUR Ukrainy: U listapadzie na vajnie akažucca 11 000 sałdat z KNDR
KNDR śćviardžaje, što 1,4 młn čałaviek padali zajaŭki na ŭstupleńnie ŭ armiju
Pucin unios u Dziarždumu zakonaprajekt ab usieahulnym stratehičnym partniorstvie z KNDR