Make Russia small again. Zialenski pierajhraŭ viadomy słohan Trampa
Prezident Ukrainy Uładzimir Zialenski padčas svajho ŭčarašniaha viačerniaha videazvarotu źjaviŭsia ŭ futbołcy z nadpisam, jakim padražniŭ Kreml.
24.10.2024 / 18:33
Skrynšot ź videa
Na čornaj futbołcy Zialenskaha byli słovy: Make Russia small again («Zrabi Rasiju znoŭ małoj»), što stała svojeasablivaj adsyłkaj da słohana prezidenckaj kampanii Donalda Trampa Make America great again («Zrabi Amieryku znoŭ vialikaj»).
Pry hetym adnosiny z Donaldam Trampam u Zialenskaha nie skažaš kab vielmi sardečnyja. Tramp krytykuje dapamohu ZŠA Ukrainie, a niadaŭna abvinavaciŭ Zialenskaha ŭ pačatku vajny, nazvaŭšy jaho «vialikim pradaŭcom», jaki nibyta padmanuŭ ZŠA, kab atrymać vialikuju kolkaść dapamohi.
Futbołka Zialenskaha, darečy, užo pryciahnuła ŭvahu Ministerstva zamiežnych spraŭ Rasii. Aficyjnaja pradstaŭnica viedamstva Maryja Zacharava nazvała Zialenskaha «kryvavym vyradkam» i zadała sarkastyčnaje pytańnie: «Maleńkaj, jak što? SSSR? Rasijskaja Impieryja? A, ja zrazumieła! Jak Kijeŭskaja Ruś. Dla hetaha nam patrebien Kijeŭ».
Zialenski raskryŭ płan B na vypadak admovy pryniaćcia ŭ NATA
Kamała Charys nazvała Trampa fašystam