Viaskoviec u poli natknuŭsia na škilet čałavieka. Akazałasia, pamierły daŭno pajšoŭ na mohiłki i nie viarnuŭsia
Dla identyfikacyi pamierłaha ŭ Kaściukovickim rajonie čałavieka pryjšłosia pravodzić hienietyčnuju ekśpiertyzu.
24.10.2024 / 17:42
Fota: Dziaržkamitet sudovych ekśpiertyz
Žychar Kaściukovickaha rajona ŭ kancy lipienia źbiraŭ uradžaj i natknuŭsia na čałaviečyja pareštki.
Na miescy nie znajšli nijakich dakumientaŭ abo inšych rečaŭ, pa jakich možna było vyznačyć asobu pamierłaha — tolki abutak i adzieńnie.
Siłaviki vykazali zdahadku, što pareštki mohuć naležać žycharu adnoj z najbližejšych viosak, jaki źnik bieź viestak u traŭni. Pošuki viaskoŭca tady nie prynieśli vyniku, paviedamlaje Dziaržkamitet sudovych ekśpiertyz.
Sudovyja ekśpierty praviali hienietyčnuju ekśpiertyzu pa vyjaŭlenych pareštkach i bijałahičnych uzorach rodnych bratoŭ źnikłaha. Jana paćvierdziła, što pareštki naležać 49-hadovamu miascovamu žycharu.
Jon źnik jašče ŭ traŭni. Pa słovach svajakoŭ, mužčyna pajšoŭ na mohiłki naviedać mahiły baćkoŭ, ale dadomu nie viarnuŭsia.
Ekśpierty nie znajšli prykmiet hvałtoŭnaj śmierci.