U Polščy raskryli sietku pa dastaŭcy mihrantaŭ u Jeŭrasajuz praź Biełaruś
Bujnuju złačynnuju hrupoŭku, jakaja zajmałasia dastaŭkaj mihrantaŭ ź Biełarusi i Rasii ŭ Jeŭrasajuz, vyjavili pry sadziejničańni Jeŭrapiejskaha palicejskaha ahienctva Jeŭrapoł.
24.10.2024 / 16:09
Fota: podlaski.strazgraniczna.pl
Jak paviedamlajecca ŭ pres-relizie Jeŭrapoła, u rasśledavańni ŭdzielničali pradstaŭniki vaśmi krain. Členami kryminalnaj sietki źjaŭlalisia palaki i hramadzianie Ukrainy, Biełarusi, Rasii dy Hruzii, jakija žyvuć u Polščy i inšych krainach ES.
U chodzie apieracyi zatrymana 11 padazravanych, padčas pieratrusaŭ kanfiskavana elektronnaje abstalavańnie i kala 80 tysiač złotych (€18,5 tysiačy) najaŭnymi.
Mihranty z Afhanistana, Jehipta, Irana, Iraka i Siryi lehalna pryjazdžali ŭ Biełaruś niepasredna ci praz Rasiju. Zatym ich advozili na biełaruska-polskuju miažu, jakuju jany niezakonna pierasiakali. Užo na terytoryi Polščy ludziej zabirali i dastaŭlali na lehkavych aŭtamabilach u inšyja krainy Jeŭrasajuza, u asnoŭnym u Hiermaniju.
Kantrabandysty brali ź mihrantaŭ pa piać tysiač jeŭra, paśla jany addavali jašče pa €500 kiroŭcam u Polščy za dastaŭku ŭ kančatkovy punkt pryznačeńnia, paviedamlaje Jeŭrapoł.
Urad Polščy ŭchvaliŭ stratehiju supraćdziejańnia nielehalnaj mihracyi. Stali viadomyja novyja detali
Tusk choča pastrožyć mihracyjnuju palityku ŭ Polščy, ale aktyŭna pryciahvać pracoŭnyja resursy
Za što biełarusaŭ mohuć departavać z Polščy? Tłumačyć polskaja pamiežnaja słužba