Лідчанін «на слабо» зняў штаны пасярод бара — і атрымаў крыміналку
Сябрам стала сумна, і яны вырашылі згуляць у гульню. Скончылася ўсё дрэнна.
24.10.2024 / 15:28
Здымак ілюстрацыйны. Фота: Akim Akimov / vecteezy.com
Жыхар Ліды разам з сябрам адпачываў у адной з устаноў. Сябры выпівалі, але ім раптам стала сумна: наведвальнікаў у гэты час у бары не было, паразмаўляць не было з кім.
Хлопцы вырашылі згуляць у гульню «на слабо». Спачатку жаданні былі бяскрыўдныя: напрыклад, выпіць залпам куфель піва. Але ў нейкі момант адзін з сяброў загадаў іншаму ўстаць, зняць штаны і паказаць голую дупу.
30-гадоваму лідчаніну было не «слабо» — ён гэтае жаданне выканаў на вачах у афіцыянтак. Дзяўчаты вырашылі выклікаць міліцыю.
Цяпер у дачыненні да лідчаніна завялі крымінальную справу за хуліганства.