Biełarusy za miažoju nie zmohuć prahałasavać i na prezidenckich vybarach 2025 hoda
Stvareńnie vybarčych učastkaŭ za miažoj na prezidenckich vybarach nie praduhledžana, zajaviła CVK.
24.10.2024 / 12:56
Stvareńnie vybarčych učastkaŭ za miažoj na prezidenckich vybarach nie praduhledžana biełaruskim zakanadaŭstvam, paviedamiŭ žurnalistam staršynia CVK Ihar Karpienka.
MZS Biełarusi vyrašyła nie adkryvać vybarčyja ŭčastki za miažoj dla hałasavańnia padčas refierendumu pa źmianieńni Kanstytucyi ŭ 2022 hodzie «z pryčyny niaznačnaj kolkaści hramadzian, jakija znachodziacca na konsulskim uliku» i dla taho, kab «nie ryzykavać zdaroŭjem supracoŭnikaŭ i hałasujučych» nibyta praz karanavirus. Paźniej heta vyrašyli zamacavać u vybarčym kodeksie.