U Brasłavie za «ekstremizm» sudzili kiraŭnika miascovych palaŭničych i jašče troch čałaviek
Jak piša kanał «Vitiebsk, ja hulaju», u Brasłavie 23 kastryčnika za «ekstremizm» sudzili čatyroch miascovych žycharoŭ. Havorka idzie pra Aleha Darhiela, Aleha Sialacha, Natallu Bajar i Anžaliku Piłat.
24.10.2024 / 12:35
Aleh Sialach
Aleh Sialach — viadomy na Brasłaŭščynie pryrodaznaviec, jaki ŭ svoj čas uznačalvaŭ adździeł achovy žyviolnaha śvietu ŭ Nacyjanalnym parku «Brasłaŭskija aziory». Ciapier jon — kiraŭnik rehijanalnaj struktury Biełaruskaha tavarystva palaŭničych i rybałovaŭ. Ź siamjoj jon trymaje ahrasiadzibu «Bieražža».
Anžalika Piłat — vypusknica fakulteta biełaruskaj fiłałohii i kultury, jakaja pracuje ciapier śpiecyjalistam pa sacrabocie ŭ TCSAN Brasłaŭskaha rajona.
Pra inšych asudžanych nie paviedamlajecca.