CVK apublikavaŭ łahatyp prezidenckaj kampanii. I znoŭ łoha CVK padobna da dyviersii
CVK apublikavaŭ łahatyp vybaraŭ prezidenta, datu jakich učora pryznačyli na 26 studzienia. Chutka jaho vydalili z sacsietak CVK, ale jaho paśpieli pierapościć inšyja.
24.10.2024 / 11:27
Na łahatypie staić data vybaraŭ — 25 lutaha 2025 hoda. Cikava, što raniej «Biełpoł» nazyvaŭ vierahodnaj dataj vybaraŭ 23 lutaha 2025 hoda.
«Usio vielmi jomista, jarka i stylna», — patłumačyŭ hety simvał vybaraŭ načalnik adździeła aparata CVK Biełarusi Siarhiej Šmarłoŭski.
Nieŭzabavie łahatyp pamianiali na novy, z dataj «26 studzienia».
Akramia taho, nadpis pa-rusku padniali vyšej za biełaruski.
Nahadajem, što ŭ listapadzie 2023 hoda CVK apublikavaŭ łahatyp vybarčaj kampanii 2024 hoda. I heta taksama było padobna da dyviersii: aproč sprečnych dyzajnierskich vynachodnictvaŭ, biełarusy znajšli tut adno biassprečnaje — prydumany ściah Biełarusi. Takoha ściaha nie isnuje.