У Бабруйску гарэла піларама
23 кастрычніка каля паўдня відавочцы паведамілі ратавальнікам пра пажар у будынку па вуліцы Карла Маркса ў Бабруйску.
23.10.2024 / 17:42
Ратавальнікі, якія прыбылі на месца, выявілі, што гарыць дах падстрэшка піларамы. Вакол назіралася шчыльнае задымленне.
Піларама належыць індывідуальнаму прадпрымальніку, будынак з пажаранебяспечнымі матэрыяламі сігналізацыяй быў не абсталяваны.
У выніку пажар знішчыў дах падстрэшка, піламатэрыялы пад навесам і ўнутры будынка, 2 дрэваапрацоўчыя станкі.
Пацярпелых няма, прычына ўзгарання высвятляецца.