U Rasii troch padletkaŭ zatrymali za sprobu padpału dvuch stratehičnych bambavikoŭ
Ich abvinavačvajuć u padrychtoŭcy teraktu.
23.10.2024 / 14:28
Ilustracyjny zdymak. Fota: Alex Beltyukov / Wikimedia Commons
Troch padletkaŭ zatrymali ŭ Irkuckaj vobłaści 18 vieraśnia.
Pa viersii śledstva, 17-hadovy Tamierłan Ch., 15-hadovy Zachar Š. i 17-hadovy Ivan N. płanavali trapić na vajskovy aeradrom va Usolskim rajonie i padpalić dva samaloty Tu-22M, piša blizki da rasijskich siłavikoŭ kanał Baza.
Padletkaŭ adpravili ŭ SIZA, im pahražaje da 20 hadoŭ kałonii pa artykule ab terakcie. Brat adnaho z zatrymanych udzielničaje ŭ vajnie suprać Ukrainy.
Tu-22M — stratehičnyja bambaviki-rakietanoscy. Ich skarystoŭvajuć u tym liku dla abstrełaŭ ukrainskich haradoŭ. Taksama samaloty hetaha typu mohuć nieści jadziernuju zbroju.
U vieraśni školniki ŭ Rasii spalili dva vajskovy viertaloty — u Najabrsku i Omsku.