«Ла-ла-лэнд». У сеціве распачалі забаўны кінафлэшмоб
У Х (твітары) новы флэшмоб — карыстальнікі згадваюць любімыя фільмы. Толькі да савецкай класікі падбіраюць назвы з галівудскага кіно і наадварот.
24.10.2024 / 07:00
Каб паўдзельнічаць у флэшмобе, трэба выбраць фільм і напісаць яго назву па схеме «адзін з маіх любімых фільмаў — назва». Спатрэбіцца і кадр з фільма. Толькі, па ўмовах флэшмобу, гэта мусіць быць кадр не з пазначанай вамі стужкі, а з нечым падобнай да яе.
Выглядае, што ўсё пачалося з паста, які з'явіўся чатыры месяцы таму на сайце «Пікабу». Пару дзён таму яго перадрукавалі ў сацсетцы Х — і ўсё панеслася.
Часцей за ўсё ўдзельнікі флэшмобу змешваюць назвы вядомых заходніх фільмаў з кадрамі савецкага кіно. Напрыклад, кадры з савецкага «Чалавека-амфібіі» натхнілі адразу дваіх карыстальнікаў. І нездарма, бо касцюм галоўнага героя дагэтуль выглядае ну вельмі арыгінальным:
Дарэчы, пра касцюмы. Вобразы іншапланецян з савецкага тэлефільма «Гэтая вясёлая планета» нагадалі ўдзельніку флэшмобу кадры з нашмат больш маштабнай зорнай кінасагі:
Але не абавязкова звяртацца па натхненне да заходняй кінакласікі. Вось прыклады, як карыстальнікі аб'ядналі больш сучаснае галівудскае кіно і савецкія фільмы — таксама атрымалася няблага:
Вяртаемся да касмічнай тэмы:
Некаторыя карыстальнікі спакусіліся зусім на святое:
«Уцёкі з Шаўшэнка» натхнілі яшчэ аднаго карыстальніка:
А тут знайшлі нечаканую сувязь савецкай класікі і сучаснага фільму жахаў:
Іншы прыклад нечаканай сувязі — вялікі гадзіннік, які аб'яднаў кінаэпапею «Назад у будучыню» і савецкі фільм «Карнавальная ноч»:
А як вам новы вобраз Тома Круза з «Топ Гана»? Дарэчы, «Топ Ган» выйшаў у пракат усяго праз восем гадоў пасля «Міміно», адкуль і ўзяты гэты кадр, так што ў нечым гэта стужкі-сучасніцы:
Адзін карыстальнік абыграў у сваім посце кадр з мультфільма з Чабурашкам. Чаму не?
І на дэсерт — кадр з культавага серыяла Breaking Bad (ва Усходняй Еўропе ён вядомы ў тым ліку пад назвай «Ва ўсе цяжкія»):
15 замежных фільмаў, якія можна паглядзець у лістападзе
«Субстанцыя»: новы хорар з Дэмі Мур не шкадуе нікога
Мюзікл, трылер ці проста доўгі кліп Лэдзі Гага: якім атрымаўся новы «Джокер»