U ZŠA — uspyška kišačnaj infiekcyi praz hamburhiery «Makdonaldsa»
U ZŠA 49 čałaviek atrucilisia hamburhierami z «Makdonaldsa», adzin ź ich pamior.
23.10.2024 / 08:49
U 10 štatach ZŠA zafiksavana ŭspyška kišačnaj infiekcyi. Usiaho paciarpieli 49 čałaviek. Adzin ź ich pamior, jašče 10 — u špitalach. Bolšaść paciarpiełych paviedamili, što jeli hamburhier Quarter Pounder u restaranach «Makdonalds» pierad tym, jak adčuli niedamahańnie.
Jaki mienavita inhredyjent hamburhieraŭ akazaŭsia zaražany, pakul nieviadoma. «Makdonalds» časova pierastaŭ pradavać hamburhiery Quarter Pounder u niekalkich štatach.
Hetaja navina pryjšła paśla taho, jak były prezident Donald Tramp źjaviŭsia ŭ piensilvanskim «Makdonaldsie» padčas pastanovačnaj pracy ŭ restaranie, jakaja była častkaj jaho vybarčaj ahitacyi.
Tramp padavaŭ bulbu fry i pravioŭ niekalki chvilin za fryciurnicaj, sprabujučy vyśmiejać Kamału Charys, jakaja pracavała ŭ «Makdonaldsie» padčas vučoby ŭ kaledžy. Jon śćviardžaŭ biez dokazaŭ, što jana nie pracavała ŭ restaranie chutkaha charčavańnia.