U Pinskim rajonie dzicia zapraŭlała bienzapiłu — i padpaliła siabie razam z adrynaj
Dvanaccacihadovy padletak vyrašyŭ dapamahčy maci.
22.10.2024 / 11:24
Fota: Dziaržkamitet sudovych ekśpiertyz
Dzicia zalivała bienzin u bak trymiera ŭ adrynie. Častku paliva chłopčyk vypadkova raźliŭ na padłohu. Padletak vyrašyŭ schavać heta, ale nietryvijalnym sposabam: jon padpaliŭ raźlitaje paliva.
Raptam adbyłasia ŭspyška, zahareŭsia bienzin i kanistra. Padletak pasprabavaŭ vynieści jaje na vulicu, ale paśpiašaŭsia i praliŭ paliva sabie na nohi. U vyniku na dziciaci zaharełasia adzieńnie.
Padletak zmoh siabie apieratyŭna patušyć, a zatym vyklikaŭ supracoŭnikaŭ MNS — da taho času ŭ chlavie pačaŭsia pažar. Dzicia ŭ vyniku špitalizavali z apiokami 6% cieła.