Rasijski łaŭkostar pierastaje lotać u Biełaruś
Rasijski łaŭkostar «Pobieda» spyniaje paloty ŭ Biełaruś, prynamsi na zimu. U sakaviku tannyja rejsy z Maskvy z Sankt-Pieciarburha majuć viarnucca ŭ raskład Nacyjanalnaha aeraporta «Minsk», paviedamili ŭ biełaruskim ofisie «Pobiedy».
21.10.2024 / 19:20
Fota: Wikimedia Commons
Rasijskaja biudžetnaja avijakampanija «Pobieda» zajšła na biełaruski rynak u červieni 2022 hoda, jaje apošnija rejsy ŭ hetym siezonie zapłanavanyja na 25 i 26 kastryčnika.
Uvohule ž «Pobieda» pracuje z 2014 hoda, pryjšoŭšy na źmienu pieravozčyku «Dobralot», jaki pakinuŭ rynak praz sankcyi ES. Što tyčycca «Pobiedy», to paśla pačatku vajny jana zasiarodziłasia na ŭnutryrasijskich rejsach i palotach u krainy, pryjaznyja Rasii.
Samalot Ryanair ździejśniŭ samy karotki palot u historyi. Usiaho siem kiłamietraŭ
Jak samastojna spłanavać avijapadarožža i nie prahadać? Biełarusy padzialilisia łajfchakami
Na niekatorych rejsach z Homiela ŭ Maskvu zamianili samaloty. Pryčyna zusim nie ŭ techničnym stanie