U Ałbanii aryštavali byłoha prezidenta
Dla aryštu zadziejničali palicejski śpiecnaz, kadrami zatrymańnia dzielicca telekanał Euronews.
21.10.2024 / 19:10
Były prezident Ałbanii Ilir Mieta (2017-2022). Fota: Euronews Albania
Były prezident Ałbanii Ilir Mieta byŭ aryštavany palicejskim śpiecnazam na ŭjeździe ŭ ałbanskuju stalicu Tyranu, kali byŭ za rulom aŭtamabila i jechaŭ na pres-kanfierencyju.
Kadrami zatrymańnia eks-prezidenta Ałbanii padzialiŭsia ałbanski filijał telekanała Euronews.
Aryšt ładziŭsia na zapyt Śpiecyjalnaj prakuratury pa baraćbie z karupcyjaj i arhanizavanaj złačynnaściu (SPAK). Pa infarmacyi miascovych krynic, Mieta abvinavačvajecca ŭ karupcyi, admyvańni hrošaj i ŭtojvańni svajho bahaćcia. Inšyja miedyja paviedamlajuć pra tyja ž abvinavačańni, pieradaje ahienctva Reuters.
Advakat eks-prezidenta paćvierdziŭ ŚMI, što aryšt byŭ praviedzieny pa abvinavačańniach u karupcyi, jakija, pa jahonych słovach, Mieta admaŭlaje. Advakat nie daŭ bolšych padrabiaznaściaŭ pa spravie. Pres-sakratar Ilira Miety, Tedzi Błušy, nazvaŭ zatrymańnie «złačynnym vykradańniem».
Pavodle ałbanskich miedyja, Ilir Mieta znachodzicca pad śledstvam užo na praciahu niekalkich miesiacaŭ, a abvinavačańni źviazanyja ź nienazvanym łabisckim kantraktam eks-prezidenta ŭ ZŠA, padazreńniami ŭ admyvańni hrošaj i abvinavačańniami ŭ niezakonnych vydatkach.
U minułym Mieta zajmaŭ najvažniejšyja pasady ŭ Ałbanii, u tym liku pasady premjer-ministra, ministra zamiežnych spraŭ, śpikiera parłamienta i prezidenta ŭ 2017-2022 hadach.
Ałbanija źjaŭlajecca členam NATA i adnym z asnoŭnych kandydataŭ na ŭstupleńnie ŭ Jeŭrasajuz. U 2020 hodzie kraina dałučyłasia da sankcyj ES suprać režymu Łukašenki za sfalsifikavanyja vybary i hvałt u dačynieńni da mirnych pratestoŭcaŭ.
Ałbanija pačała pradmietnyja pieramovy ab ustupleńni ŭ Jeŭrasajuz
U Ałbanii źbirajucca stvaryć novuju karlikavuju musulmanskuju dziaržavu
Što varta viedać, kali nadumajecie jechać u Ałbaniju FOTY