Łukašenka pryznačyŭ pasła ŭ Słavakii
Łukašenka 21 kastryčnika padpisaŭ ukaz pra pryznačeńnie pasła Biełarusi ŭ Słavakii. Im staŭ pa sumiaščalnictvie pastajanny pradstaŭnik Biełarusi pry mižnarodnych arhanizacyjach u Vienie i pry Arhanizacyi pa biaśpiecy i supracoŭnictvie ŭ Jeŭropie (ABSIE) Andrej Dapkiunas.
21.10.2024 / 17:49
Andrej Dapkiunas
Akramia pradstaŭnictva pry mižnarodnych arhanizacyjach, ź vieraśnia 2020 hoda Andrej Dapkiunas taksama pa sumiaščalnictvie źjaŭlajecca pasłom u Aŭstryi i Słavienii, tamu słavacki kirunak staŭ dla jaho ŭžo trecim.
Pasada pasła ŭ Słavakii była vakantnaja paśla taho, jak u žniŭni 2020 hoda Ihar Laščenia, jaki tady kiravaŭ pasolstvam, asudziŭ paślavybarčy hvałt i byŭ za heta zvolnieny. Paśla taho pracaj pasolstva ŭ Bracisłavie kiravali časovyja pavieranyja ŭ spravach, a ŭ vieraśni 2023 hoda ŭvohule było abjaŭlena pra jaho zakryćcio.
U aficyjnaha Minska zastalisia ŭsiaho try pasły ŭ krainach Jeŭrasajuza z raniejšych 15
U Słavakii prapanavali adnavić siabroŭstva ź Biełaruśsiu
Łukašenkaŭskaja Biełaruś naźbirała kamplimientaŭ ad słavackich prarasijskich palitykaŭ