Pryznali palitviaźniami jašče 8 čałaviek
21 kastryčnika pravaabaroncy pryznali palitviaźniami jašče 8 čałaviek. Ahulnaja kolkaść ludziej, jakija na siońnia źjaŭlajucca ŭ Biełarusi palitviaźniami, składaje 1299 čałaviek.
21.10.2024 / 17:37
U śpis palitźniavolenych byli dadadzienyja nastupnyja proźviščy:
Alaksandr Jakuškoŭ, Arciom Ziańkoŭ, Valeryj Miafodzijenka, Andrej Łabada, Maryna Leanovič, Jaŭhien Zajcaŭ, Jaŭhien Ściapanaŭ, Siarhiej Paŭłavicki.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1299 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Za ŭdzieł u akcyjach pratestu zatrymali sužencaŭ
U RTBD paśla zatrymańnia akcioraŭ admianiajuć samyja kasavyja śpiektakli
U Oršy zatrymali šmatdzietnuju maci za kamientary