Kazachstan vydaść Biełarusi hramadzianina Kyrhyzstana, jaki abvinavačvajecca ŭ zabojstvie
Hienieralnaja prakuratura Kazachstana zadavoliła zapyt biełaruskaj prakuratury ab vydačy hramadzianina Kyrhyzstana dla pryciahnieńnia da kryminalnaj adkaznaści pa p. 6 i p. 15 č. 2 art. 139 KK (Zabojstva).
21.10.2024 / 16:23
Fota ilustracyjnaje
Pavodle infarmacyi pres-słužby Hienprakuratury Biełarusi, abvinavačany, zhodna z materyjałami spravy, «dziejničajučy pa papiaredniaj zmovie ź inšymi asobami, napaŭ u Minsku z metaj zabojstva na paciarpiełaha, padčas jakoha pryčyniŭ jamu množnyja cialesnyja paškodžańni, jakija pryviali da jaho śmierci».
Sprava znachodzicca na razhladzie ŭ Hałoŭnaha śledčaha ŭpraŭleńnia centralnaha aparata Śledčaha kamiteta. Hienprakuratura daručyła Departamientu vykanańnia pakarańniaŭ MUS «arhanizavać pryjom asoby, jakaja padlahaje vydačy».
U krasaviku hetaha hoda delehacyja ŭpraŭleńnia kryminalnaha vyšuku MUS Biełarusi naviedvała Kazachstan. Pa vynikach sustrečy baki damovilisia ŭdaskanalvać uzajemadziejańnie i abmien pieradavymi tendencyjami ŭ apieratyŭna-vyšukovaj dziejnaści, paviedamlała MUS.
Armienija moža vydać Minsku adnaho z aryštavanych biełarusaŭ
Ź Biełarusi ŭ Turcyju ekstradziravali mužčynu, jakoha šukali za zabojstva
U Sierbii skasavali pastanovu ab ekstradycyi ŭ Biełaruś režysiora Andreja Hniota