Žychar Smarhoni z bałkona abstralaŭ dziaciej ź pnieŭmatyki — jany razbudzili jaho pietardami
Žychar Smarhoni ŭ siaredzinie vieraśnia abstralaŭ hrupu padletkaŭ ź pnieŭmatyčnaha pistaleta ŭ dvary šmatpaviarchovaha doma pa vulicy Jakuba Kołasa.
21.10.2024 / 12:25
Skrynšot videa MUS
Mužčyna spaŭ u siabie ŭ kvatery, na hadzińniku było 6 viečara. U hety čas na vulicy kampanija padletkaŭ pačała ŭzryvać pietardy, ad čaho mužčyna pračnuŭsia.
Jon vyrašyŭ dziaciej napałochać. Uziaŭ pnieŭmatyčny pistalet «Stalker» i try razy streliŭ mietaličnymi šarykami ŭ napramku kampanii padletkaŭ. Strałok śćviardžaje, što ni ŭ kaho kankretna nie celiŭsia, stralaŭ chaatyčna. Ale adzin z šarykaŭ trapiŭ u hrudzi 15-hadovamu junaku.
Padletki ŭciakli, a paźniej baćki paciarpiełaha dziciaci źviarnulisia ŭ milicyju. Siłaviki znajšli strełka i zatrymali jaho. Ciapier u dačynieńni da padazravanaha raspačata kryminalnaja sprava pa artykule «chulihanstva».