U Minsku pradajuć pieršyja Geely E8. Jakaja cana?
Elektrasiedan Geely E8 pa pamierach supastaŭny z Audi A6. Pra ceny na jaho ŭ Biełarusi piša av.by
20.10.2024 / 20:39
Geely E8. Fota tut i dalej: dyler
U navinki nizki kaeficyjent aeradynamičnaha supracivu — 0,199. U asnovie siedana lažyć płatforma SEA, na jakoj taksama budujucca elektramabili Zeekr.
U sałonie aŭto staić 45-calevy ekran ź jakaściu 8K, jaki možna vykarystoŭvać jak televizar.
Dla bazavaj viersii praduhledžany zadni pryvad i mator mahutnaściu 272 k.s. Jomistaść ciahavaj batarei — 62 kVt·h. Takaja mašyna razhaniajecca da 100 km/h za 6 siekund i zdolnaja prajechać da 550 km na adnoj zaradcy. Jość zadniepryvadny varyjant ź vialikim zapasam chodu (665 km).
Pieršym da staličnych dyleraŭ pryjechaŭ paŭnapryvadny aŭtamabil z dvuma elektramatorami, jakija vydajuć u sumie 645 k. s. Razhon da 100 km/h — 3,5 siekundy (chutčej za Porsche Taycan GTS). Zapas chodu — 620 km. Jak adznačali raniej na pradpryjemstvie, mienavita na topavyja viersii prypadaje bolš za ŭsio zakazaŭ.
Cana ŭ Biełarusi startuje ad 106 900 rubloŭ (krychu mienš za 32 300 dalaraŭ) za zadniepryvadnuju viersiju. Ceny na madeli z poŭnym pryvadam składajuć 119 900 — 121 900 rubloŭ (kala 36 tysiač dalaraŭ).
Jak raniej raskazvaŭ hienieralny dyrektar «BiełDžy» Hienadź Śvidzierski, u pieršaj partyi Geely E8 u krainu pryvieźli 87 mašyn. Da kanca hoda čakajucca jašče try pastaŭki elektrakaraŭ. Adnosna ajčynnaj zborki kiraŭnik pradpryjemstva paviedamiŭ: madel u nas źbirać dakładna nie buduć, adnak u płanach zavoda značycca pastanoŭka na kanviejer bolš dastupnaha elektrakara i hibryda.
U Rasii zafiksavali rekordnyja prodažy aŭtamabilaŭ «Biełdžy»
Byvaj, Jeŭropa! Biełarusy kančatkova pierasadžvajucca na kitajskija aŭto
Sankcyi prynosiać svoj plon — prodažy novych aŭto ŭ Biełarusi bjuć rekordy
Kupla aŭto z Kitaja na zamovu — realnaja mahčymaść zekanomić abo pustaja trata času?