Prezident Sierbii ŭpieršyniu z 2022 hoda pahavaryŭ z Pucinym
Prezident Sierbii Alaksandr Vučyč siońnia pahavaryŭ z Uładzimiram Pucinym. Padstavaj dla razmovy stała 80-hodździe z Dnia vyzvaleńnia Białhrada.
20.10.2024 / 18:54
Alaksandr Vučyč (źleva) z prezidentam Rasii Uładzimiram Pucinym. Archiŭnaje fota: Mikhail Klimentyev, Sputnik, Kremlin Pool Photo via AP
Pra heta Vučyč raskazaŭ u siabie ŭ instahramie.
«Ja tolki što skončyŭ razmovu z prezidentam Rasijskaj Fiederacyi Uładzimiram Pucinym. Amal dva z pałovaj hoda my nie razmaŭlali. U nas była dobraja, adkrytaja, doŭhaja i źmiastoŭnaja razmova», — skazaŭ Vučyč u videa.
Pavodle słoŭ Vučyča, jany abmianialisia z Pucinym dumkami pa ŭsich važnych dvuchbakovych pytańniach, u tym liku ekanamičnych. Tak, naprykład, Vučyč padziakavaŭ Pucinu, što jon hetaj zimoj zabiaśpiečyć Sierbiju dastatkovaj kolkaściu hazu.
Pres-słužba Kramla taksama prakamientavała razmovu. Pavodle paviedamleńnia Kramla, prezidenty abmierkavali situacyju vakoł Ukrainy, a Pucin daŭ acenku chodu «śpiecyjalnaj vajennaj apieracyi».
«Z abodvuch bakoŭ vykazana zadavalnieńnie ŭzroŭniem dvuchbakovych adnosin, jakija hruntujucca na duchoŭnaj, kulturnaj i histaryčnaj supolnaści, adzinstvie acenak minułaha i sučasnaści», — havorycca ŭ paviedamleńni Kramla.
Apošniaja telefonnaja razmova Vučyča z Pucinym była 29 maja 2022 hoda. Sustrakalisia jany ŭ listapadzie 2021 hoda.
Sierbski prezident padčas matča sa Šviejcaryjaj razharnuŭ abjadnany ściah Sierbii i Rasii
Prezident Sierbii praročyć Ukrainie karejski scenaryj
Cichanoŭskaja sustrełasia z prezidentam Sierbii Vučyčam
Siarod krain, jakija padtrymlivajuć Ukrainu zbrojaj, jość i Sierbija. Ale nie napramuju