Čynoŭniki ŭzialisia za taksi «Jandeks Go»
Asablivuju ŭvahu pryciahnuli pavyšanyja taryfy navat nie ŭ hadzinu pik.
20.10.2024 / 17:09
Skryn videa ANT
Ministerstva antymanapolnaha rehulavańnia i handlu pryznała servis taksi «Jandeks Go» manapalistam na rynku pasažyrskich pieravozak Biełarusi.
Ciapier «Jandeks Go» treba vykanać šerah patrabavańniaŭ. U pieršuju čarhu ŭvieści cenavaje rehulavańnie. Pra heta paviedamili na ANT.
Čynoŭniki źviarnuli taksama ŭvahu, što hety servis prapanuje zakazvać taksi pa padvyšanym taryfie navat nie ŭ hadzinu pik, tłumačačy heta vialikaj zahružanaściu kiroŭcaŭ.
«Jany nam pavinny dać ałharytm raźliku «haračych hadzin»: jak farmujecca padvyšajučy kaeficyjent, zychodziačy ź ich matematyčnaj madeli, jakaja, jak jany kažuć, zakładzienaja ŭ prahramnym pradukcie», — prakamientavaŭ pieršy namieśnik ministra antymanapolnaha rehulavańnia i handlu Ivan Viežnaviec.