U modnym minskim restaranie na śniadanak padajuć jajki z čyrvonaj ikroj
Restaran «Amo» adkryŭsia ŭ Minsku ŭ červieni na vulicy Karła Marksa, 8. Staŭku tut robiać na mižziemnamorskuju kuchniu.
20.10.2024 / 16:14
Brančy ŭ restaranie «Amo». Fota: instahram restarana
Błohier Kakabaj taksama naviedaŭsia na branč u hety minski restaran. «Jak śniedajuć bahatyja», — tak jon nazvaŭ svoj rolik z dehustacyjaj straŭ.
«Kali sabrać usie vodhuki pra «Amo» ŭ adzin łahičny sens, atrymajecca: vielmi smačna i vielmi doraha», — piša błohier.
Ceny na brančy (ich padajuć u subotu i niadzielu z 10 da 16 hadzin) u restaranie nastupnyja. Vialiki śniadanak «Pedra», — 48 rubloŭ, marmurovaja katleta ŭ mafinie z harniram — 42 rubli, dva jajki «Bieniedykt» z čyrvonaj ikroj — 38 rubloŭ, ispanskija piercy na hryli — 26 rubloŭ, hranoła z manha — 35 rubloŭ, babuliny lanivyja vareniki ŭ jahadach — 25 rubloŭ.