Milicyjanty stralali ŭ siamiejnaha skandalista, jaki pajšoŭ na ich ź bienzapiłoj. Jon u špitali
Milicyju na 31-hadovaha plamieńnika vyklikała 60-hadovaja žycharka Ivacevickaha rajona. Pa infarmacyi MUS, jana paviedamiła, što syn źbivaje svaju maci — jaje siastru.
20.10.2024 / 10:52
Skryn milicejskaha videa
Kali narad pryjechaŭ na miesca, mužčyna vyjšaŭ da ich z pracujučaj bienzapiłoj.
«Na patrabavańni spynicca nie reahavaŭ. Supracoŭnik zrabiŭ niekalki papieradžalnych strełaŭ, zatym prycelny ŭ nahu», — piša MUS.
Na apublikavanym videa niemahčyma razhladzieć bienzapiłu (čuvać jaje huk) i niama papieradžalnaha strełu.
Mužčyna špitalizavany.
Na miescy zdareńnia pracavała śledča-apieratyŭnaja hrupa. Zaviedziena kryminalnaja sprava za hvałt albo pahrozu prymianieńnia hvałtu ŭ dačynieńni da supracoŭnika orhanaŭ unutranych spraŭ. Sankcyja artykuła praduhledžvaje da siami hadoŭ pazbaŭleńnia voli.