Bieśpiłotniki atakavali abaronny zavod u Dziaržynsku Nižaharodskaj vobłaści
Zavod źjaŭlajecca adnym z najbujniejšych rasijskich vytvorcaŭ vybuchovych rečyvaŭ.
20.10.2024 / 08:41
Rasijskija telehram-kanały sa spasyłkaj na miascovych žycharoŭ paviedamili pra vybuchi ŭ rajonie «Zavoda imia Ja.M. Śviardłova» — pradpryjemstva ŭ Dziaržynsku Nižaharodskaj vobłaści.
Jak piša telehram-kanał SHOT, vidavočcy čuli kala 10 vybuchaŭ ź intervałaŭ u niekalki chvilin i bačyli dym u rajonie zavoda.
Čaćviora supracoŭnikaŭ pažarnaj častki paranienyja ŭ Dziaržynsku ŭ vyniku ataki bieśpiłotnikaŭ, paćvierdzili ataku abłasnyja ŭłady.
«Zavod imia Ja.M. Śviardłova» źjaŭlajecca adnym z najbujniejšych rasijskich vytvorcaŭ vybuchovych rečyvaŭ, jak dla pramysłovych met, tak i dla ŭsich vidaŭ bojeprypasaŭ.
Z 2023 hoda pradpryjemstva znachodzicca pad sankcyjami ES, ZŠA i Vialikabrytanii.
Usiaho siły SPA Rasii za noč źniščyli 110 ukrainskich bieśpiłotnikaŭ nad rehijonami Rasii, paviedamili ŭ Minabarony RF: 43 — nad Kurskaj vobłaściu, 27 — nad Lipieckaj, 18 — u Arłoŭskaj, 8 — u Nižaharodskaj, 7 — u Biełharodskaj, 6 — u Branskaj i adzin u Padmaskoŭi.